Tirow akamwunumwun ngasangasei epwe non kawetei mi wewe ngeni pwe inisi epwe weires me riafou ren fanitom. Ikenai ew ranin mesechun ngeni aionei me nguni fan akasengesin ai upwene iseta ngonuk ussun met mine ekimwonomwonen netipei ngonuk nge ennetin ren neenian me ketiwan a chok pusin non omw kokot ngeni meta mefien netipom... Ewer ika mwo kopwe chepeti are fen pwan pwuri fan noumw ashi nge ita sipwe fetei a pusin kan ina finitiwan.
Ewer ennetin ngang mi pusin nuku ren met mine kapasen ena inis pwokiten esap kan iei sokkun aramas en kopwe tongeni enenia me achifoua met mine ai siongaw me nanangaw ngonuk. Nge kose mochen fanimoch tipemecheres mut ngen'ei ekis chok pekin mumutan ei fansoun ren ai upwe isetiw ngonuk ussun meta akauchean ai nanen pwinisok ren fan itom. Usap fokkun pwan oumwesuk ika kopwe era pwe ai chok turunufas. Nge ewer mi pwung mi pwan ennet pwe ren chok ewe pekin tong iei uwa akenumwun ponnuku ai we ekiekin sau ren. Omusano tipisin mefien netipe-ei ngonuk pwun eni epwe kan ennieput me mwen sangunum. Nge amwo ita fisefisan pwe kopwe umoumoch ngeni inisi ren ennetin om tong pwun mi ennet pwe ngang upwe tongeok ren unusochun ai tong me wenecharen ai kapas ngonuk. Nge akan chok sonap pwokiten ese men tufich an emon kichiniwon epwe wisen souwani ena inis mi ning chapur.
Nge kinisou chok pwan ngeni ai kewe neo ar fotukieitiw, pwokiten ngang mi mamarita non oukuki me rer pwe upwe tufichingaw nge ai tong epwe napanap. Ewer esap mwan seni met mefien netipom ngeniei pwe ngang emon aat mi kan attong chapur pwan nusmwan chapur me reom won met use ukungeni, nge upwe fen kapas wenechar ngonuk pwe ngang upwe chok achocho ne eriani inisi non weires mi nap ren fan akasengesum.